06.30

Ali Rukman

Sanak upi sai laher di lungup, di hapit rumpunan ni peghing sai mak pernah taru bedu'a.- tanno pema merenung

Makni sai ngelaherko ya nenggalan mak ngedok sapa-sapa, adu mesaka  maklagi

Bakni sai mulang mit pekon nyepok minyak tanoh.. Ahirni nyusul Makni

Maka  ingingok, kenanya ni ulun, lehot umanat selama ya mejenong di dunia..sai di sandangni jak jaoh rani injuk imbun sai mak pernah gugor.

 

Pakpuluh siwa tahun anjak dinana, sanak lungup santor ngebaca diri..sapa nyak, dipa nyak, aga mulang midipa nyak

Kekala ya mangking ya dilom kehughik'anni sai mak pernah wat jawaban

Kekala Sesiyah di hati saat ya dilom kebimbangan.

Unyinni tentang lapahan sai mak pernah kenal menyerah

Kisah sai nyani katan kidang ya tetap ngurikko tekad halus di tengah bingi.

Ingo'an ni waktu lagi melunik selalu terbayang di lungup

Darak jagung di duara ni pekon.

Jawi-jawi..injuk waghahan jaman nabi.

Wat bawakni kayu manis,sai nyani miwang mesakik sampai ulu hati. 

Wat Sepasang sepatu sai nyani ya percaya jama hantara

Wat Iwa nila sai ngajari ya arti ni rizki.

Wat rani selasa daleh jemahat sai induh mengapi terasa injuk suci

Wat  sangkarni manuk daleh kerita angin pederal.  

Wat cerita Palembang rik Tanjungkarang.

Wat muneh kisah di Lampung rik di Jakarta.

Seunyinni masih wat di pikiranni injuk nyanyian tumbai sai mak pernah di laguko.

Selama puluh tahun sanak lungup ti jawoh jak ngedengis suluyni way di pancor pering sai tumbai jadi du'a di cupingni.

Adu ngeliak berak ni langik. sai tambah langgar

Jawoh jak lampu damar sai pernah nuntun ya 

Nyimak warah ceghita ni pejuang

Nadah ko culuk di hanggum ni ulum sai melapang hati.

Ngandanko cita-cita barong muli muli jak bambu seribu. sai ngajari ya cara bertahan daleh pema.

Tanno.. 

Sanak lungup hurik delom  mangi di tengah jelma khamik.

Ya ngisop harbuk injuk ngisop nasib.

mengangkak pikirandi dunia sai lamon halok ganggu

Daleh ya nyuba nyepok pandai jak ipa angin khatong

Daleh ngedengi mic ni masjid sai injuk sesiah atang di lamban.

 

Tanno..

Sanak lungup belajar nekhima nasib sai makkung sempat di pilihni.

Ya belajang nyiar walaupun mak nyancan damar.

Belajar Sabar walaupun mukelom risok ngakuk gelarni

Ya nerima setiap sai ratong jama hati kecah.

Nguyunko lapahan sai adu mulai mbuya.

Ngejaga lehot nyin mak tumbak semakkung metuha.

 Rik waktu matarani mulai mingkop di balik bukit

Ya ngesesiahko cawa halus di hatini tenggalan.

Walaupun urikku mesakik rik lamon pengorbanan seno sa anugrah

mani setiap penyandangan yaddo dia penunjuk, setiap mangi yaddo dia penjaga,

Rik setiap lapahanni yaddo dia carani sai kuasa memelukku jak jawoh.

Bekape, 28 September 2024